ZYRIH – Zvicra tërhiqet nga pakti i OKB-së për migracionin

ZYRIH, 21 nëntor /ATSH-AFP/ – Qeveria zvicerane njoftoi sot se do të shtyjë përfundimisht vendimin e saj mbi paktin e OKB-së mbi migracionin, pas kundërshtimit të shprehur nga shumë komisione parlamentare, gati një muaj pasi kishte vendosur ta miratonte.

“Për pasojë Zvicra nuk do të jetë e pranishme në konferencën e Marakeshit më 10 dhe 11 dhjetorin e ardhshëm, ku pakti duhet të miratohet formalisht”, njoftoi ministria e Punëve të Jashtme në një komunikatë.

Vendet e OKB-së, me përjashtim të SHBA-së, miratuan në korrik krijimin e këtij pakti botëror jodetyrues mbi emigracionin.

Disa ditë më pas, Hungaria njoftoi tërheqjen e saj nga kjo marrëveshje.

Polonia dhe Izraeli njoftuan gjithashtu se nuk do e firmosin këtë pakt. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.