Buxheti 2019, deficiti buxhetor në nivelin 1,9% e PBB-së

TIRANË, 15 nëntor/ATSH-Maela Marini/ Buxheti 2019 parashikon uljen e deficitit buxhetor  në nivele rekord, 1,9% e Prodhimit të Brendshëm Bruto.

Gjatë seancës së sotme plenare, ministri i Financave dhe Ekonomisë, Arben Ahmetaj iu përgjigj opozitës e cila deklaron se qeveria po rrit borxhin publik.

Ahmetaj tha se “diskutimet e buxhetit kanë hyrë në një frymë debatesh reale dhe të shëndetshme brenda mazhorancës për të vazhduar më tej uljen e borxhit publik”.

“Ne kemi vendosur uljen e deficitit buxhetor në nivele rekord prej 1,9% e PBB-së si dhe ruajtjen e nivelit të rritjes ekonomike mbi 4%”, tha Ahmetaj në Kuvend. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.