SHBA – Rivendoset shërbimi ”Facebook” pas një defekti të shkurtër në një pjesë të globit

UASHINGTON, 12 nëntor /ATSH-AFP/ – Aksesi në ”Facebook”, rrjeti më i madh social në botë, u rivendos pas një defekti në Amerikën e Veriut dhe Amerikën Latine rreth orës 18:00 GMT të hënën.

I pyetur në lidhje me arsyet e këtij defekti të përkohshëm, Facebook-u , rrjeti me më shumë se 2,25 miliard përdorues në mbarë botën, nuk ka dhënë për momentin asnjë informacion.

Në bregun lindor të SHBA-së, në Kanada por edhe në Los Angeles apo në Amerikën e Jugut, për shembull në Uruguaj, u shfaq për disa minuta një mesazh gabimi në momentin që po përpiqej të lidhej me faqen e internetit./ /v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.