Vlorë/ DRSH vijon vizitat në familje

TIRANË, 2 nëntor/ATSH/ – Stafi i Drejtorisë Rajonale Shëndetësore Vlorë, vijon vizitat në familje për pacientët të cilët e kanë të pamundur që të vizitohet në qendrat shëndetësore.

Këtë herë stafi i mjekëve të DRSH Vlorë, është ndalur në Qendrën Shëndetësore Kotë, duke ofruar për banorët kryerjen e Check-up-it me qëllim kujdesin për shëndetin, parandalimin e sëmundjeve dhe komplikacioneve.

Gjithashtu mjekët, përveç vizitave japin edhe informacionet dhe këshillat e duhura për banorët, duke u kërkuar atyre përmirësimin e stilit të jetesës, si një nga shkaqet kryesore që ndikon në sëmundshmëri, matjet e tensionit, glicemisë, frekuencës kardiake si dhe të peshës trupore. /e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.