SHBA – Papunësia në nivelin më të ulët prej 48 vitesh

UASHINGTON, 5 tetor /ATSH-AFP/ – Niveli i papunësisë në Amerikë ka rënë në 3,7% në shtetor kundrejt 3,9% që ishte në gusht në një ekonomi që është duke u rritur, njoftoi sot departamenti i punës duke theksuar se ky është niveli më i ulët që prej dhjetorit 1969.

Në fakt krijimi i vendeve të punës shënoi rënie të ndjeshme duke regjistruar 134 000 të punësuar pas shifrës prej 201 000 në muajin gusht, por kjo ishte për shkak të pasojës direkte që ka pasur uragani Florence që goditi bregun lindor të SHBA-së.

Megjithatë numri i punësimeve të reja është më i ulët nga parashikimet e analistëve, që prisnin krijimin e 184 000 vendeve të punës.

Për më tepër, pavarësisht zgjerimit të tregut të punës, rrogat kanë regjistruar një rritje shumë të dobët (+ 0,29%) në raport me muajin gusht.

Në një vit, rritja e pagave është ngadalësuar në 2,8% kundrejt 2,9% që ishte njoftuar në muajt e mëparshëm. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.