MEPJ përshëndet rezultatin e referendumit në Maqedoni: Rruga e integrimit

TIRANË, 1 tetor /ATSH- I. Vata/ – Ministria për Europën dhe Punët e Jashtme mirëpret votën PO të qytetarëve të Maqedonisë në mbështetje të marrëveshjes së emrit me Greqinë, gjatë referendumit të djeshëm konsultativ.

“Inkurajojmë vijimin pa vonesë të procesit të mëtejshëm legjislativ në Sobranie për të iniciuar ndryshimet e nevojshme kushtetuese dhe për të zbatuar plotësisht marrëveshjen e arritur në Prespë, si rruga e vetme për anëtarësimin e vendit në NATO dhe BE.

Është koha që të gjitha forcat politike në Parlament t’i përgjigjen vullnetit të qytetarëve dhe me konsensus të gjerë të shfrytëzojnë këtë mundësi historike për avancimin e rrugës euroatlantike të vendit”, thuhet në deklaratën e Ministrisë për Europën dhe Punët e Jashtme. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.