MALAJZI – Ish-kryeministri arrestohet pas skandalit me investimet publike

KUALA LUMPUR, 19 shtator /ATSH-AFP/ – Ish-kryeministri i Malajzisë, Najib Razak u arrestua sot dhe pritet të fajësohet në kuadër të hetimit që hedh dyshime për përvetësimin e 628 milionë dollarëve nga fondi i investimeve publike prej miliard dollarësh, njoftuan autoritetet malajziane.

Komisioni Antikorrupsion Malajzian njoftoi se kishte mundësuar arrestimin e Najib Razak në kuadër të hetimit për një skandal të gjerë financiar që lidhet me fondin një miliard dollarë dhe përvetësimin e 2,6 miliardë ringitë (628 milionë dollarë) në llogarinë e tij personale.

Ky skandal dhe dyshimet për përvetësim të shumave të mëdha nga ky fond investimesh nga ana e ish-kryeministrit dhe bashkëpunëtorëve të tij luajtën një rol kyç në humbjen në zgjedhjet e majit të koalicionit që ai drejtonte përballë aleancës reformiste të Mahathir Mohamadit./ /v.b/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.