OSLO, 29 gusht /ATSH-AFP/ – Komiteti norvegjez i Nobelit përjashtoi sot heqjen e çmimit Nobel të Paqes Aung San Suu Kyi, e vënë nën akuzë nga një raport tronditës i OKB-së për Mianmarin, pasi asnjë statut i tij nuk parashikon një mundësi të tillë.
Në një raport që akuzon ushtrinë e Mianmarit për ‘’gjenocid’’ i publikuar të hënën, hetuesit e OKB-së shprehin keqardhje që Aung San Suu Kyi, liderja de facto e qeverisë nuk ka ushtruar autoritetin e saj moral në këtë krizë.
Sekretari i Komitetit, Olav Njølstad u shpreh se është e paparashikueshme për Komitetin Nobel të tërheqë një çmim të paqes. Statutet e Çmimit Nobel të Paqes nuk e lejojnë një gjë të tillë.
Aung San Suu Kyi u nderua me çmimin Nobel në vitin 1991, në kohën kur vuante dënimin arrest shtëpiak në vendin e saj, dhe nuk ka mundur të udhëtojë në Oslo për të mbajtur fjalimin e pranimit të çmimit deri njëzet e një vite më vonë./
/v.b/