ITALI – DIA: Mafja përpiqet të përhapet edhe në Europë

ROMË, 5 qershor /ATSH-AFP/ – Mafja nuk është vetëm italiane por synon të globalizohet dhe të arrijë në shumë vende europiane, theksoi sot kreu i Drejtorisë Italiane Antimafja (DIA), gjenerali, Giuseppe Governale.

“Krimi i organizuar është duke u përhapur jashtë vendit, duke u globalizuar”, shpjegoi ai gjatë një takimi me shtypin ndërkombëtar në Romë.

“Cosa Nostra, mafja siçiliane, ka qenë gjithnjë e pranishme në SHBA, Kanada apo Australi, por Ndrangheta, mafja kalabreze, është gjithashtu dhe prania e saj nënvlerësohet ndërkohë që është një organizatë jashtëzakonisht e fuqishme”, thotë ky ish-gjeneral i karabinierëve dhe ish-kreu i grupit elitë “Ros”.

“Organizatat mafjoze kanë përfaqësues në çdo vend të botës ku veprojnë, në disa porte për shembull, por Ndrangheta përpiqet që të shtojë jashtë vendit strukturat e ngritura në Kalabri”, theksoi Governale që ka ardhur në krye të DIA-s në tetor 2017. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.