NJU JORK, 25 maj /ATSH-ANSA/ – Akuza të reja për kolosin e mediave sociale Facebook, pas rastit Cambridge Analytica.
Kompania amerikane ”Six4Three” denoncoi pranë një gjykate kaliforniane, sepse sipas saj, Facebook kishte mbledhur informacione në mënyrë të paligjshme mbi përdoruesit dhe miqtë e tyre.
”Në këtë denoncim dyshimi u referohet shumë e-maile midis menaxherëve të Facebook-ut, përfshire edhe Mark Zuckerberg-un”, shkruan ”The Guardian”.
Sipas blogut të specializuar Cnet, disa nga metodat e përdorura janë vendndodhja e përdoruesve, leximet e mesazheve, përgjimet nëpërmjet telefonit dhe përgjimet e telefonatave midis përdoruesve.
Këto gjëra kanë ndodhur në 2015 dhe që nga ajo kohë ”Six4Three” nuk është më operativ në treg./ /os/ a.jor.