KINË – Avioni ndërron destinacion pas marrjes peng nën kërcënimin e një stilolapsi

The first direct flight between China and Panama operated by Air China, is welcomed with water cannons at the tarmak of the Tocumen international airport in Panama City on April 05, 2018. / AFP PHOTO / RODRIGO ARANGUA

PEKIN, 15 prill /ATSH-AFP/ – Një avion i ”Air China” bëri ulje të detyruar ditën e sotme, pasi një pasagjer mori peng për një kohë të shkurtër një anëtar të ekuipazhit nën kërcënimin e një stilolapsi, njoftoi autoriteti kinez i aviacionit civil (CAAC).

Avioni me destinacion final Pekinin ishte ngritur në fluturim nga Changsha, kryeqendra e provincës qendrore të Hunanit.

Por ai është ulur përfundimisht një orë më pas në Zhengzhou, kryeqendra e provincës fqinje të Henanit.

”Incidenti u zgjidh më pas rreth orës 13:17, pasagjerët dhe ekuipazhi janë të gjithë shëndoshë e mirë”, bëhet e ditur në një deklaratë, duke specifikuar se pasagjeri kishte përdorur një stilolaps për të kërcënuar një anëtar të ekuipazhit.

Një foto e transmetuar nga ”China News Service” tregon forcat zjarrfikëse me mjetet e tyre në Aeroportin ndërkombëtar ”Xinzheng” të Zhengzhout, në provincën fqinje të Henanit.

”Air China” njoftoi se avioni bëri ulje të detyrueshme për shkaqe sigurie të publikut dhe se policia dhe autoritetet e aviacionit po menaxhojnë tashmë situatën./
/v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.