TIRANE,12 Prill/ATSH/ – Lëkurë, mëndafsh, transparente… Koleksioni i ri i pardesyve jep shumë mundësi zgjedhjesh për të gjitha stilet.Këtë sezon pardesytë janë të shumëllojshme e të përshtatshme për çdo moment të ditës nga klasiket për mbrëmje të veçanta deri tek ato më komode të cilat mund të kombinohen me atlete për përditshmëri.
Të zbehta dhe interesante
Jepini pamje të rafinuar veshjes me xhins duke e kombinuar me një pardesy të gjatë e të zbehtë dhe mos mendoni për faturat e pastrimit kimik! Fundja, çdo e mirë e ka një të keqe.
Transparente
Pardesytë transparente dhe të ngrira janë shumë në modë. Tregojeni atë çfarë keni veshur poshtë për tu dukur më e veçantë dhe e guximshme në kombinimin e kësaj pardesyje.
Klasike
Pardesyja klasike karakterizohet me ngjyrën bezhë të pjekur dhe masa e ekzagjeruar. Çdo vit është ndër më të preferuarat e femrave dhe stilistëve.
Të qëndisura
Për femrat më të guximshme kjo do të ishte zgjedhja perfekte. Qëndismat apo stampat janë shumë të preferuara për të shndërruar një pamje të thjeshtë në të veçantë.
Mushama
Përveç faktit që bën shumë figurë, funksioni i saj është ajo çfarë ka më shumë rëndësi, sidomos në periudhën e vitit që po kalojmë.
Shkëlqim
Lëkura me shkëlqim është e përshtatshme gjithashtu për ditët me shi, duke e hequr vëmendjen nga ngjyra gri e motit dhe duke e kthyer të gjithën tek ju.
Ngjyra
Lëkura me ngjyrë e nxjerr gjithmonë në pah anën tuaj femërore. Kombinojeni me një palë kominoshe xhins për një pamje retro.
Cila zgjedhje do t’ju bëjë të dukeni me mirë këtë pranverë? Hidhini një sy galerisë të frymëzuar nga stili i rrugës për frymëzim dhe gjeni risi në modelet e shumëllojshme./a.a/ /a.g/
