FA në ndihmë të banorëve të zonave të përmbytura

TIRANË, 9 Mars/ATSH/ – Forcat e Armatosura janë angazhuar për përballimin e situatës së përmbytjeve në vend, duke i ardhur në ndihmë banorëve të zonave të prekura me efektivë dhe mjete. Gjatë këtij angazhimi janë transportuar 56 banorë, si dhe janë shpërndarë 620 pako ushqimore, 200 kuti me detergjentë si dhe 2.8 tonë ujë, thuhet në një njoftim për shtyp të Ministrisë së Mbrojtjes. Sa i takon situatës në basenet ujëmbledhës të HEC-ve raportohen shkarkime nga HEC-et e Fierzës, Komanit dhe Vaut të Dejës.

Situata në basenet ujëmbledhëse të HEC-ve: FIERZA: Kuota 295.16 m; Q=900 m3/sek; P=440 MË; 4AG në punë; Shkarkim nga porta 400 m3/s.

KOMANI: Kuota 171.76 m; Q=1200/400 m3/sek; P=580 MË; 4AG në punë; Shkarkim nga porta 600 m3/s.

V.DEJES: Kuota 74.44; Q=1430/250 m3/sek; P=239 MË; 5 Ag në punë; Shkarkim nga porta 1000 m3/s.

Qarku Shkodër Nga të dhënat e prurjeve të liqenit dhe lumenjve Drin e Bunë raportohet se niveli i liqenit është në nivelin 8.45 m kur kuota kritike është 9 m. Bahçallëku është nivelin 7.27 m, ndërsa kuota kritike është 8.5 m. Ndërsa në Gramsh të Bregut të Bunës kuota kritike është 6.30 m, ndërsa kuota aktuale është 6.40 m.

Bashkia Vau-Dejës: Në njësinë Administrative Bushat janë përmbytur 320 ha tokë dhe 10 ha jonxhë në fshatin Fshati i Ri, si dhe është dëmtuar Ura e Gjolulit.

Bashkia Shkodër: Në njësinë Administrative Dajç, janë përmbytur 6500 ha tokë. Në fshatin Darragjat 30 ha tokë nga të cilat 13 ha janë të mbjella foragjerë. Në fshatin Shirq 210 ha tokë nga të cilat 60 ha janë të mbjella foragjerë. Nga prezenca e ujit janë të bllokuara 16 familje. Në fshatin Mushan raportohen 245 ha tokë të përmbytura, nga të cilat 55 ha janë të mbjella me foragjerë. Në fshatin Sukaj 65 ha tokë, nga të cilat 13 ha janë të mbjella foragjerë. Në fshatin Dajç 100 ha tokë, nga të cilat 10 ha janë të mbjella foragjerë. Aksi rrugor rural që lidh fshatin Darragjat me fshatin Shirq është i bllokuar nga rritja e nivelit të ujit. Është i kalueshëm vetëm me mjete të larta. Në Njësinë Administrative Bërdicë janë përmbytur rreth 250 ha tokë në fshatin Trush, ndërsa në Njësinë Administrative Velipojë në fshatin Luarz ka dalë uji nga argjinatura.Po ashtu, në njësinë Administrative Ana e Malit janë përmbytur 1150 ha tokë, si dhe 665 ha jonxhë, 180 ha foragjerë, 442 ha livadhe, 1 ha vreshta, 2 ha sera dhe 5.2 ha bimë dekorative. Në fshatin Obot janë përmbytur 200 ha tokë, në fshatin Oblikë 550 ha tokë dhe në fshatin Muriqan 400 ha tokë. Në fshatin Obot disa segmente rrugore janë bllokuar. Ujësjellësi Oblika është përmbytur dhe është jashtë funksionit dhe rreth 800 banorë nuk kanë furnizim me ujë të pijshëm. Po ashtu rrezikon të përmbytet dhe Ujësjellësi Oblika 2.Në Njësinë Administrative Gur i Zi, konstatohet fenomeni i erozionit në tokat bujqësore. Vazhdon gërryerja e tokës në fshatin Juban në një vijë gjatësore rreth 1 km. Në Njësinë Administrative Rrethina, në fushat e Zuesit është rritur prezenca e ujit me 20 cm. Në aksin rrugor rural për në malin e Shoshit lëvizja e mjeteve bëhet me zinxhirë për shkak të reshjeve të dëborës. Ditën e djeshme në të gjithë zonën e prekur nga uji janë shpërndarë 620 pako ndihma në ushqime, 200 pako me detergjentë dhe 2,8 ton ujë i pijshëm.

Qarku Dibër Në bashkinë Klos aksi, rrugor rural Xibër-Tiranë është i pakalueshëm.

Qarku Kukës Akset rrugore nacionale që përshkojnë Qarkun e Kukësit vazhdojnë të jenë nën efektin e rënies së gurëve dhe dherave. Firmat kontraktore janë në gatishmëri për ndërhyrje në problematikat e shfaqura.

Qarku Lezhë Në rrugën që lidh qytetin e Lezhës me Kalanë e qytetit një masiv shkëmbor rrezikon të bjerë duke u bërë rrezik për banorët dhe për turistët që vizitojnë kalanë. Prefekti i qarkut Lezhë ka kërkuar që një ekip nga Shërbimi Gjeologjik Shqiptar (SHGJSH) të shkojë në vendngjarje dhe të kryej studimin e tokës. QKEC i ka dërguar kërkesë SHGJSH për të dërguar një ekip ekspertësh për të kryer studimin e zonës e cila rrezikohet nga masivi shkëmbor.

Qarku Tiranë Në zonën e quajtur Kodër e Kuqe, Njësia Administrative Paskuqan, bashkia Kamëz, ka pasur një rrëshqitje toke e cila është problem për banorët e zonës. Me marrjen e njoftimit nga Prefektura Tiranë, QKOEC i ka dërguar kërkesë Shërbimit Gjeologjik Shqiptar për dërgimin e ekspertëve për të kryer studimin e tokës.

Qarku Korçë Në fshatin Çërravë të Njësisë Administrative Çërravë, bashkia Pogradec, ka pasur një rrëshqitje masivi shkëmbor. Kjo është një rrezik serioz për banorët e zonës pasi masivi mund të prek disa banesa të zonës.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.