SPORT – Edhe 100 ditë nga fillimi i Botërorit 2018

MOSKË, 7 mars /ATSH-AA/ – Kanë mbetur edhe 100 ditë nga fillimi i Kampionatit Botëror të Futbollit FIFA 2018, që do të zhvillohet nga 14 qershori deri më 15 korrik në Rusi.

FIFA, me rastin e 100 ditëve të fundit për fillimin e kampionatit shpërndau edhe një video në rrjetet sociale.

Videoja fillon me xhonglimin e topit të futbollistëve legjendar të shteteve që do të marrin pjesë në Botëror.

Ndërsa ajo përfundon me pasimet dhe xhonglimet mes presidentit të Rusisë, Vladimir Putin dhe kreut të FIFA-s Gianni Infantino.

Kampionati Botëror do të zhvillohet në 11 qytete të Rusisë, ndërsa 32 kombëtare në 8 grupe do të përpiqen që të fitojnë kupën.

Hapja e Kampionatit do të bëhet me ndeshjen Rusi-Arabi Saudite në Grupin A.

Ndërsa ndeshja finale do të luhet më 15 korrik në stadiumin ”Luzhniki” në Moskë.

Grupet

Grupi A: Rusi, Arabi Saudite, Egjipt, Uruguaj

Grupi B: Portugali, Spanjë, Marok, Iran

Grupi C: Francë, Australi, Peru, Danimarkë

Grupi D: Argjentinë, Islandë, Kroaci, Nigeri

Grupi E: Brazil, Zvicër, Kosta-Rika, Serbi

Grupi F: Gjermani, Meksikë, Suedi, Kore e Jugut

Grupi G: Belgjikë, Panama, Tunizi, Angli

Grupi H: Poloni, Senegal, Kolombi, Japoni./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.