Mbledhja e përbashkët e dy qeverive Shqipëri-Kosovë nesër në Elbasan

TIRANË, 25 nëntor/ATSH/ Mbledhja e përbashkët mes dy qeverive, të Shqipërisë dhe të Kosovës, do të zhvillohet në 26 nëntor në qytetin e Elbasanit.

Lajmi u bë i ditur nga Kryeministri Edi Rama, i cili thekson se nesër mbledhja e përbashkët e dy qeverive do të mbahet në Elbasan.

Kjo do të jetë mbledhja e 7-të e përbashkët mes dy qeverive, ku pritet të nënshkruhen edhe disa marrëveshje të rëndësishme.

Në mbledhjen e dy qeverive marrëveshjet të cilat do të firmosen, do të prekin fusha si ekonomia, bashkëpunimi diplomatik dhe konsullor, arsimi, drejtësia, shkenca apo kultura.

Kosova dhe Shqipëria kanë filluar mbajtjen e mbledhjeve të përbashkëta mes dy qeverive më 11 janar të vitit 2014, duke u cilësuar si takim historik.

/k.s/a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.