Edhe Spotify me një asistent zanor

MILANO, 8 prill /ATSH-ANSA/ – Pas Amazon, Google, Samsung dhe Apple, Spotify është platforma e fundit gati të lëshojë asistentin e tij personal zanor.

Zbulimi u bë nëpërmjet disa imazheve të botuara nga faqja GSMArena, që e sinjalizon disponueshmërinë e “Hey Spotify” në një pajisje Samsung, specifikisht një Galaxy S21.

Sipas informacionit të përshkruar në internet, përdoruesit mund t’i kërkojnë asistentit të luajë muzikë pa pasur nevojë të prekë ekranin e telefonit, ashtu si ndodh me pajisjet dhe altoparlantët te Alexa, Google Assistant dhe Siri.

Nuk dihen të gjitha detajet dhe variantet e mundshme të nisjes së asistentit Spotify, që mund të jetë i pranishëm në Android dhe iOS ose, të paktën fillimisht, vetëm në njërën nga dy platformat.

Nuk përjashtohet as prania e një variacioni për ndërfaqet e makinave, ku për momentin përdorimi i Spotify, si në Android Auto ashtu edhe në Apple CarPlay, zhvillohet ekskluzivisht përmes prekjes në ekran, për të hyrë në menutë dhe ekranet./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.