Pensionet private, vlera e aseteve llogaritet 29 milionë euro në fund të 2020-s

TIRANË, 4 mars/ATSH/ Asetet neto të fondeve të pensioneve private në vend llogariten 29.13 milionë euro.

Sipas të dhënave të publikuara nga Autoriteti i Mbikëqyrjes Financiare (AMF) asetet neto të fondeve të pensioneve u rriten me 5.6 milionë euro ose 23.80 % gjatë vitit 2020.

Numri i anëtarëve në fondet e pensioneve, më 31.12.2020 rezultoi 31 mijë anëtarë duke shënuar po ashtu një rritje prej 9.72 % krahasuar me 31.12.2019.

Gjatë vitit 2020, në tregun e pensioneve private vullnetare ushtruan aktivitetin e tyre katër fonde pensioni. /j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.