“Google” ndalon shitjen e reklamave të bazuar në shfletimin e internetit

SAN FRANCISKO, 4 mars /ATSH-ANSA/ – Kompania “Google” do të ndalojë shitjen e reklamave të bazuar në shfletimin e përdoruesve në faqe të ndryshme në internet, në atë që konsiderohet si një lëvizje e aftë të shpejtojë revolucionin në industrinë e reklamave dixhitale.

“Alphabet” nuk do të përdorë dhe investojë më në teknologjitë e gjurmimit, që identifikojnë përdoruesit e internetit ndërsa lëvizin nga një faqe në tjetrën”, raportoi “Wall Street Journal”.

“Nëse reklamimi dixhital nuk evoluon për të adresuar frikën në rritje të njerëzve në lidhje me privatësinë dhe përdorimin e identitetit personal, rrezikon të ardhmen e një interneti falas dhe të hapur”, theksoi “Google”.

“Mbajtja e një interneti të hapur dhe të arritshëm nga të gjithë kërkon që të gjithë ne të bëjmë një përpjekje shtesë për të mbrojtur privatësinë dhe kjo do të thotë t’i japim fund jo vetëm cookie-ve të palëve të treta, por edhe çdo teknologjie të përdorur për të gjurmuar individë ndërsa ata kërkojnë në internet”, tha David Temkin, drejtori i Menaxhimit të Produkteve, Privatësisë, Reklamave dhe Besimit në “Google”, në një postim në blogun Mountain View./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.