Vajza e prokurorit Xhevat Hana: Përfshirja në politikë për të çuar përpara misionin e babait

TIRANË, 3 mars/ATSH/ Albana Hana, e bija e prokurorit të ndjerë, Xhevat Hana, deklaroi sot se përfshirja në politikë ka qëllim vijimin e misionit të babait të saj.

Hana do të kandidojë për deputete nën siglën e Partisë Socialiste në zgjedhjet e 25 prillit dhe pritet të jetë kandidate në listat e Elbasanit, ku do të përfaqësojë zonën e Përrenjasit, ku është edhe vendlindja e të atit.

“Për mua është e rëndësishme që unë të vazhdoj në hapat e tij, me veprime konkrete dhe kjo është arsyeja kryesore pse vendosa të përfshihem në politikë. Krediti i parë që PS më ofroi këtë mundësi, është sepse jam vajza e prokurorit”, u shpreh Hana. /j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.