OPEC: Tregu i naftës do të rimëkëmbet në vitin 2021

ANKARA, 3 mars /ATSH-AA/ – Parashikimi ekonomik global dhe perspektivat e tregut të naftës po tregojnë shenja të përmirësimit të vazhdueshëm, theksoi sekretari i përgjithshëm i OPEC-ut, Mohammad Sanusi Barkindo.

Barkindo i bëri këto komente në Komitetin e 49-të të Përbashkët Teknik (JTC), përpara takimit të 27-të të Komitetit të Përbashkët të Monitorimit Ministror (JMMC) dhe Takimit të 14-të Ministror të OPEC-ut dhe vendeve jashtë OPEC-ut (ONOMM) që do të mbahet sot dhe nesër. Grupi do të vendosë për kuotën e prodhimit pas marsit.

Ai theksoi perspektivën përmirësuese të tregut global të naftës dhe ekonomisë botërore në përgjithësi, duke theksuar nevojën e qëndrimit në rrugën e ringritjes së stabilitetit të tregut të qëndrueshëm të naftës.

Barkindo tha se tronditja e kërkesës për naftë të shkaktuar nga pandemia u la pas ndërsa “kërkesa për naftë parashikohet të rritet me 5.8 milionë fuçi në ditë në rreth 96 milionë fuçi në ditë”.

Ai shprehu “optimizëm të matur” në lidhje me përmirësimin ekonomik dhe kërkesës së naftës në Azi.

Barkindo theksoi se pandemia globale e COVID-19 vazhdon të paraqesë rreziqe negative për rimëkëmbjen, duke potencuar të dhëna që tregojnë se infeksionet e reja globale u rritën në javën e fundit të shkurtit për herë të parë në shtatë javë.

“Përparimi për vaksinat kundër COVID-19 vazhdon në shumë vende, por ritmi aktual tregon se shumë vende në zhvillim rrezikojnë të lihen pas. Ne kemi shpresë se përpjekjet shumëpalëshe do të mbështesin hyrjen gjithëpërfshirëse dhe të shpejtë në të gjithë botën në vaksinim”, theksoi ai./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.