Twitter shënjestron keqinformimet e postuara në platformat e tij për vaksinat

KALIFORNI, 2 mars /ATSH-DPA/ – Kompania Twitter deklaroi se filloi të shënjestronte keqinformimet mbi e vaksinat të postuara në platformat e tij duke etiketuar tweet-et dhe duke bllokuar shkelësit e përsëritur.

Gjiganti i medieve sociale tha se do të shënojë tweet-et që dyshohet se përmbajnë informacione mashtruese në lidhje me vaksinat e koronavirusit.

Llogaritë që shkelin vazhdimisht rregullat e Twitter do t’i nënshtrohen një sistemi paralajmërimi, për shembull, një tweet i fshirë do të marrë dy paralajmërime e më pas do të bllokohet.

Dy ose tre paralajmërime mund të rezultojnë në një bllokim 12-orësh, katër paralajmërime mund të shohin llogarinë të kyçur për një javë dhe pesë paralajmërime mund të çojnë në një pezullim të përhershëm.

Etiketat fillimisht do të zbatohen manualisht nga stafi i cili përcakton nëse përmbajtja shkel politikën e kompanisë. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.