Ekspertët ekzaminojnë vaksinën “Johnson & Johnson” para miratimit të mundshëm

UASHINGTON, 26 shkurt /ATSH-AFP/ – Vaksina antiCOVID-19 me një dozë të vetme e kompanisë “Johnson & Johnson” u shqyrtua sot nga një komitet ekspertësh, mendimi i të cilëve, megjithëse këshillues, do të merret parasysh për autorizimin me kusht të kësaj vaksine të tretë në SHBA, që mund të hyjë shumë shpejt në proces.

Anëtarët e këtij paneli, rreth njëzet persona, kryesisht shkencëtarë të pavarur analizuan në detaje të dhënat nga provat klinike të kryera në rreth 40 000 persona.

“Ne e presim me padurim këtë ditë shumë produktive”, tha zyrtari i Agjencisë amerikane të Barnave (FDA), Peter Marks.

Në fund të pasdites, ekspertët do të jenë përgjegjës për përgjigjen e pyetjes vijuese: A i tejkalojnë përfitimet e vaksinës rreziqet e përdorimit të saj?

Miratimi përfundimtar do të duhet të jepet nga FDA.

Për “Pfizer” dhe “Moderna”, autorizimi u dha një ditë pas mendimit të favorshëm të komitetit./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.