BRUKSEL – BE: Ruajtje e kufizimeve të rrepta kundër varianteve të virusit

BRUKSEL, 25 shkurt /ATSH-AFP/ – Liderët e BE-së bënë thirrje sot për ruajtjen e kufizimeve të rrepta, ndërsa përshpejtojnë fushatat e vaksinimit, për t’u marrë me sfidat shtesë të paraqitura nga përhapja e varianteve më ngjitëse të COVID-19.

“Situata epidemiologjike mbetet serioze dhe variantet e reja paraqesin sfida shtesë”, thanë krerët e shteteve dhe qeverive europiane në një njoftim për shtyp, pas një samiti me videokonference.

“Për këtë arsye, ne duhet të mbajmë kufizime të forta, ndërsa rrisim përpjekjet tona për të përshpejtuar dërgesat e vaksinave”, shtuan ata./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.