GJERMANI – Gjysma e azilantëve pa karta identiteti

BERLIN, 23 shkurt /ATSH-DPA/ – Rreth gjysma e të rriturve që vijnë në Gjermani duke kërkuar azil nuk mund të provojnë emrin e tyre, kombësinë ose datën e lindjes, deklaroi Ministria e Brendshme në përgjigje të kërkesës së një ligjvënësi për informacion.

“Në vitin 2020, përqindja e azilkërkuesve të moshës 18 vjeç e lart pa dokumente identiteti ishte 51,8%,” deklaroi ministria.

“Fakti që çdo aplikant tjetër nuk mund të provojë identitetin e tij me dokumentet e kërkuara është një sfidë e madhe për sistemin tonë të azilit”, theksoi Teuteberg e Partisë së Lirë Demokratike.

Vitin e kaluar, 102 581 shtetas të huaj aplikuan për azil në Gjermani, duke përjashtuar kërkesat e përsëritura. Kjo përfshinte 26 520 aplikime për fëmijë nën moshën 1 vjeç të lindur në Gjermani.

Shifrat ishin shumë më të ulëta se një vit më parë, me pandeminë e koronavirusit që luante një rol. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.