ROMË – Italia paralajmëron Pfizer për vonesat e vaksinave antiCovid-19

ROMË, 27 janar /ATSH/ – Qeveria italiane i dërgoi një letër zyrtare paralajmëruese kompanisë farmaceutike Pfizer duke kërkuar që ajo të respektojë zotimet e saj kontraktuale për shpërndarjen e vaksinave antiCovid-19, deklaroi komisioneri special i qeverisë, sipas Reuters.

Letra rrit tensionin midis Bashkimit Europian dhe prodhuesit të vaksinës në SHBA, i cili njoftoi një ngadalësim të përkohshëm në dërgesat në bllok javën e kaluar.

“Zyra e Prokurorit të Përgjithshëm të Shtetit i ka dërguar Pfizer një njoftim zyrtar për të përmbushur detyrimet e saj kontraktuale në lidhje me mosdorëzimin e dozave të vaksinës”, theksoi zyra e tij në një deklaratë.

Pfizer nuk pranoi të komentonte përtej deklaratës së saj të mëparshme.

Pfizer tha më 15 janar se do të kompensonte ngadalësimin e dërgesave me ndryshimet në prodhim./  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.