POLONI – Fati i fëmijëve në fokus të 76-vjetorit të çlirimit të Aushvicit

VARSHAVË, 27 janar /ATSH-DPA/ – Fati tragjik i fëmijëve të vrarë, të burgosur dhe të lindur në kampin nazist të përqendrimit të Aushvic-Birkenaut do të jetë në qendër të përkujtimeve me rastin e 76-vjetorit te çlirimit të kampit.

Për shkak të pandemisë së koronavirusit, 76-vjetori do të zhvillohet online, në vend të ceremonisë në kampin e ngritur gjatë Luftës së Dytë Botërore në Oswiecim.

Përkujtimet do të fillojnë me dëshmi nga dy të mbijetuarit e kampit: Zdzislawa Wlodarczyk dhe Anita Lasker-Wallfisch.

Një fjalim do të mbajë edhe presidenti polak Andrzej Duda dhe diplomatët izraelitë dhe rusë, pas së cilës përfaqësuesit e katër besimeve do të drejtojnë lutjet.

Pas shërbimit përkujtimor, kreu i Muzeut të Aushvicit, Piotr Cywinski, do të drejtojë një diskutim në internet mbi ndikimin e luftës dhe Holokaustin në formimin e identiteteve të fëmijëve.

Muzeu vlerëson se të paktën 232 000 fëmijë, shumica prej tyre hebrenj, kanë qenë në Aushvic.

Mbi 200 000 fëmijë u vranë në kamp.

Nga 1,3 milion viktimat e Aushvicit, rreth 1,1 milionë ishin hebrenj./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.