Gjici: Ekipet e bashkisë Kukës në gatishmëri, po hapet rruga Kukës-Shishtavec

TIRANË, 26 janar /ATSH – I. Vata/ Ekipet e bashkisë Kukës vazhdojnë të jenë në terren për zhbllokimin e rrugëve të mbuluar nga bora.

Lajmi bëhet i ditur nga kryetari i bashkisë Kukës, Safet Gjici i cili shprehet se ekipet e bashkisë po punojnë për hapjen e rrugës Kukës-Shishtavec

“Stafi i Bashkisë Kukës sapo bëri të mundur hapjen aksit rrugor Kukës-Shishtavec nga reshjet e borës.Ekipi është në terren dhe në gatishmëri për çdo situatë, me qëllim sigurimin e kalueshmërisë normale në të gjitha akset”, shprehet ai.

Orët e para të ditës së sotme e në vazhdim kanë sjellë reshjet të dendura dëborë në zonat rurale të bashkisë Kukës, ndërsa mjete e rënda të bashkisë dhe emergjencave civile vazhdojnë pastrimin e rrugëve.

Aktualisht rrugë nacionale janë të kalueshme dhe po punohet në zonat rurale për pastrimin e borës për të lehtësuar lëvizjen e mjeteve dhe të njerëzve. /r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.