FUTBOLL – Paulo Sousa trajneri i ri i kombëtares polake

VARSHAVË, 22 janar /ATSH-PAP/ – Polonia caktoi portugezin Paulo Sousa si menaxherin e ri të skuadrës kombëtare të futbollit.

Paulo Sousa (50 vjeç) do të marrë postin e trajnerit të kombëtares së Polonisë nga marsi i këtij viti.

Sousa do të zëvendësojë Jerzy Brzeczek, roli i të cilit si trajner i ekipit kombëtar të Polonisë përfundoi të hënën.

Ish-përfaqësuesi i Portugalisë fitoi përvojën e tij si trajner në klube të mëdha europiane, por kurrë nuk qëndroi me asnjë prej tyre në një kapacitet afatgjatë. CV e tij përfshin ”Queens Park Rangers”, ”Swansea City”, ”Leicester City”, ”FC Basel” dhe ”Fiorentina”.

Sousa do të fillojë të punojë me lojtarët polakë në mars, kur ekipi polak do të luajë ndeshjet e para të ndeshjeve kualifikuese të Kupës së Botës 2022 në Katar.

Në një video të shkurtër Sousa shprehu shpresën se Polonia do të jetë krenare për ekipin e saj kombëtar. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.