Për Lulin Tirana nuk priti 7-8 vjet, e hoqi për 4 vjet

TIRANË, 21 janar/ATSH/ Kryeministri Edi Rama publikoi sot një video me opinione të qytetarëve të ndryshëm, të cilëve u drejtohet pyetja se “çfarë do të bënin në rast se do të kishin një punonjës që për 7 vite nuk ka bërë asnjë punë”.

“Këtë spot e ka publikuar Lulëzim Basha dhe postohet me kënaqësi ndaj kërkesës së një grupi ndjekësish të kësaj faqeje”, tha Rama.

Në video qytetarëve të ndryshëm u drejtohet pyetja se çfarë do të bënin në rast se do të kishin një punonjës që për 7 vite nuk ka bërë asnjë punë. Njëzëri qytetarët përgjigjen se “do ta pushonin nga puna”.

“Për Lulin Tirana nuk priti 7-8 vjet, e hoqi për 4 vjet. S’është për punë, për gjumë është i pari ai”, thuhet në videon e shpërndarë nga Kryeministri Rama./m.m/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.