Statistikat/ Ekipet që kanë më shumë lojtarë në listën e golashënuesve

TIRANË, 18 janar /ATSH/ Federata Shqiptare e Futbolli ka publikuar statistikat e skuadrave që kanë më shumë lojtarë në listën e golashënuesve.

“Duke vëzhguar statistikat dhe renditjen e golave të Kategorisë Superiore vëmë re se në 14 javët e parat kampionatit janë plot 73 futbollistë të ndryshëm që kanë shënuar 158 gola në total. Por cilat janë skuadrat që kanë më shumë lojtarë të cilët kanë arritur të gjejnë rrugën e rrjetës?”, thekson FSHF.

“Në këtë klasifikim të veçantë vëmë re se Skënderbeu është skuadra që ka më shumë lojtarë në listën e golashënuesve të këtij kampionati, plot 10 të tillë”, shton FSHF.

Ndërsa, vijon FSHF, “Vllaznia dhe Partizani janë dy skuadrat e tjera që kanë shumë opsione në fushë për të gjetur golin me nga 9 lojtarë secila që kanë shënuar të paktën një gol këtë sezon”.

“Gjithashtu, në këtë renditje specifike, Apolonia dhe Kukësi janë skuadrat që kanë më pak lojtarë në listën e golashënuesve të Kategorisë Superiore”, përfundon FSHF.

/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.