BELGJIKË –  Mbi 20 000 të vdekur nga COVID-19

BRUKSEL, 10 janar /ATSH-AFP/ – Belgjika, një nga vendet më të prekura në botë nga pandemia në lidhje me numrin e banorëve të saj, kaloi sot pragun e 20 000 vdekjeve nga COVID-19, më shumë se gjysma e të cilave kanë të bëjnë me banorët në azilet e të moshuarve.

Vendi ka regjistruar 662 694 raste COVID-19 që nga fillimi i pandemisë në mars 2020 dhe 20 038 vdekje, sipas shifrave të botuara nga instituti i Shëndetit Publik “Sciensano”.

Gjatë kulmit të valës së parë, në prill, Belgjika regjistroi për dhjetë ditë më shumë se 250 vdekje ditore, me një rekord prej 322 më 8 prill, po sipas shifrave të “Sciensano”-s.

Kurba, e sheshtë në një nivel shumë të ulët gjatë gjithë verës, filloi të ngrihej sërish në fillim të tetorit me valën e dytë, derisa arriti një kulm të ri më 10 nëntor (218 vdekje)./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.