Reshjet e shiut/ Bashkia pastron rrugët rurale në disa njësi administrative të Matit

TIRANË, 7 janar /ATSH – I. Vata/ Bashkia Mat ka vijuar sot punën për pastrimin e rrugëve rurale nga dëmtimi prej reshjeve të dendura të ditës së sotme.

Lajmi bëhet i ditur nga kryetari i bashkisë Mat, Agron Malaj i cili shprehet se bashkia Mat me mjetet e saj është duke bërë përparime në disa fshatra të cilët janë dëmtuar nga reshjet e shiut.

“Po bëhet riparim rruge në Fushë Baz, Lek Hot, Shullani i Vilës. Në Rreth Baz po bëhet korrigjim rrugë dhe hapje kanali anësor”, tha ai.

Po ashtu, Malaj shton se “në rrugën e Vinjollit po ndërhyjmë për sistemim rruge dhe heqje gurësh. Në Prell po punojmë për riparim rruge. Në Karic po punojmë me mbushje gropash dhe hapje kanali”.

Reshjet e dendura të shiut kanë sjellë rënie gurësh në disa rrugë të fshatrave të bashkisë Mat, por të gjitha janë të kalueshme falë ndërhyrjes së mjeteve të bashkisë. /j.p/r.e/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.