COVID-19 – FDA jep miratimin për vaksinën ”Moderna”

NJU JORK, 19 dhjetor /ATSH-ANSA/ – Dritë jeshile nga Administrata Amerikane e Ushqimit dhe Barnave (FDA) për vaksinën ”Moderna” kundër Covid-19.

”Kjo do të thotë se vaksina mund të shpërndahet në Shtetet e Bashkuara të Amerikës për të gjithë personat mbi 18 vjeç”, thuhet në shënimin e agjencisë qeveritare.

“Me miratimin e dy vaksinave, FDA ka ndërmarrë një hap tjetër të rëndësishëm në luftën kundër pandemisë globale”, tha komisioneri Stephen Hahn.

“Përmes procesit transparent dhe shkencor të shqyrtimit, dy vaksina u miratuan shpejt në përputhje me standardet e rrepta të sigurisë”, shton ai./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.