Kualifikueset e Botërorit “Katar 2022”/ Shorti vë Shqipërinë përballë Anglisë dhe Polonisë

TIRANË, 7 dhjetor /ATSH/ Shqipëria do të përballet me një grup ku bëjnë pjesë Anglia dhe Polonia për kualifikueset e Botërorit të futbollit, “Katar 2022”.

Në shortin e hedhur mbrëmjen e sotme në Zyrih Shqipëria është shortuar në grupin I.

Shqipëria është shortuar me Anglinë, Poloninë, Hungarinë, Andorrën dhe San Marinon.

Ndërsa Kosova u shortua në Grupin B me Spanjën, Suedinë, Greqinë dhe Gjeorgjinë.

Sa i përket grupeve të tjera në Grupin A u shortuan: Portugalia, Serbia, Irlanda, Luksemburgu, Azerbajxhani.

Në Grupin C Italia do të përballet me Zvicrën, Irlandën e Veriut, Bullgarinë, Lituaninë.

Në Grupin D, Franca u shortua përballë, Ukrainës, Finlandës, Bosnje-Hercegovinës dhe Kazakistanit.

Në Grupin E, janë Belgjika, Uellsi Republika Çeke, Bjellorusia dhe Estonia.

Grupi F vë përballë Danimarkën, Austrinë, Skocinë, Izraelin, Ishujt Faroe dhe Moldavinë.

Në Grupin G janë shortuar Hollanda, Turqia, Norvegjia, Mali i Zi, Letonia dhe Gjibraltari.

Në Grupin H janë shortuar Kroacia, Sllovakia, Rusia, Sllovenia, Qipro dhe Malta.

Në Grupin J janë vendosur në një short Gjermania, Rumania, Islanda, Maqedonia e Veriut, Armenia dhe Lihtenshtejni.

Botërori në Katar do të jetë i pari që do të luhet në dimër dhe do të zhvillohet nga 21 nëntori deri më 18 dhjetor të vitit 2022. /j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.