GREQI – Masat kufizuese antiCovid-19 pritet të ndikojnë në ekonomi

ATHINË, 2 dhjetor /ATSH-ANA/ – Vala e masave kufizuese të marra nga qeveria për të ndaluar valën e dytë të pandemisë në 7 nëntor pritet të ketë një ndikim më të madh në ekonominë greke, me aktivitetin ekonomik që pritet të tkurret në tremujorin e katërt të vitit, duke çuar në një recesion më të thellë për vitin 2020 sesa tkurrja prej 7,9% e regjistruar në gjysmën e parë të vitit, deklaroi guvernatori i Bankës së Greqisë, Yannis Stournaras.

Duke folur në një konferencë të organizuar nga Dhoma Greko-Amerikane e Tregtisë, guvernatori theksoi se megjithëse pandemia pritej të përkeqësonte ndjeshëm disa nga problemet e trashëguara nga kriza e borxhit 2010, të tilla si borxhi i lartë publik dhe shkalla e lartë e papunësisë, stoku i madh i kredive të këqija dhe një deficit investimesh gjithashtu kanë disa efekte pozitive.

Për shembull, depozitat private janë rritur me 12 miliardë euro këtë vit, zgjerimi i kredisë për firmat më të mëdha po rritet vazhdimisht, kryesisht duke reflektuar masat e favorshme të politikës monetare të BQE-së dhe masat mbështetëse të marra nga qeveria greke përmes garancive të ofruara nga një bankë e sapokrijuar e zhvillimit./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.