SHBA – Rekord rastesh me COVID-19 në 24 orë

NJU JORK, 29 nëntor /ATSH-AA/ – Numri i personave të vdekur nga koronavirusi i ri (COVID-19) në SHBA është rritur në 271 038, prej të cilëve 1 388 kanë humbur jetën në 24 orët e fundit.

SHBA vazhdon të mbetet vendi me numrin më të lartë të rasteve të konfirmuara dhe të viktimave.

Të dhënat nga faqja e internetit “Worldometer” tregojnë se në 24 orët e fundit, numri i të infektuarve me koronavirus në SHBA ka arritur në 201 377, duke e çuar numrin total në 13 458 011.

Ndërkaq, në mbarë vendin, deri më tani janë shëruar rreth 7,95 milionë të infektuar, ndërsa numri i testeve ka arritur në mbi 189 milionë.

Aktualisht, shteti i Teksasit është më i godituri në SHBA, me 1 235 838 raste të konfirmuara, ndërkohë që numri më i lartë i vdekjeve është regjistruar në Nju Jork, me gjithsej 34 437 viktima.

Pas SHBA-së, numrin më të madh të të infektuarve e kanë regjistruar India me mbi 9,3 milionë raste dhe Brazili me mbi 6,2 milionë./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.