Policia e Shtetit, masa për parandalimin dhe goditjen e krimeve mjedisore

Nga
Klotilda Saraçini
-

TIRANË, 28 nëntor/ATSH/ Policia e Shtetit vijon kontrollet për zbatimin e planit të masave për evidentimin, parandalimin dhe goditjen e krimeve mjedisore në qytetet e vendit.

Sipas policisë, gjatë muajit nëntor në Korçëu proceduan penalisht në gjendje të lirë 9 shtetas për prerje të paligjshme të pyjeve, E. Xh., 29 vjeç; Xh. Ç., 21 vjeç; S. M., 57 vjeç; D. H., 35 vjeç; M. M., 25 vjeç; S. B., 73 vjeç; B. J., 38 vjeç; A. Ç., 52 vjeç dhe M. Ç., 37 vjeç..

Ndërsa në Berat u procedua penalisht shtetasi B.L., 45 vjeç, banues në Berat(administrator subkjkti), pasi në karrierën e këtij subjekti në malin e Tomorit, është konstatuar nga punonjësit e AZDM-së, një mjet gërmues dhe disa pllaka guri dekorativë.

Policia e Shtetit do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit./k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

ARTIKUJ TË NGJASHËMMË SHUMË NGA AUTORI