Rindërtimi pas tërmetit/ IMT planifikon prishjen e pallatit 9-katësh në Durrës

TIRANË, 23 nëntor /ATSH/ Inspektorati i Mbrojtjes së Territorit dhe forcat xheniere të ushtrisë kanë planifikuar për të martën plasjen me shpërthim të kontrolluar të kafazit të ashensorit të pallatit 9-katësh në lagjen 5, rruga “Hysen Myshketa”, në Durrës.

“Në këto kushte njoftojmë bizneset dhe banorët e pallateve përreth që në datën 2️4️ nëntor 2020, nga ora 10:00 deri në orën 17:00, të marrin masa për të lënë të hapura dyert dhe dritaret, të ulin në tokë pajisjet elektronike dhe çdo pajisje tjetër që e shikojnë të arsyeshme si dhe të largohen nga banesat dhe bizneset e tyre”, bëhet e ditur në njoftimin e bashkisë Durrës. /r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.