”Pfizer” dhe BioNTech kërkojnë miratim urgjent të vaksinës Covid-19 që në dhjetor

UASHINGTON, 22 nëntor /ATSH/-  Disa ditë pasi njoftuan një normë efikasiteti prej 95% për vaksinën e tyre COVID-19, kompanitë ”Pfizer” dhe BioNTech shtyjnë burokracinë dhe kërkojnë nga Administrata amerikane e Ushqimit dhe Barnave (FDA) për të aprovuar vaksinën për përdorim emergjent në SHBA që në muajin dhjetor, shkruan faqja fanityfair.it.

Nëse kërkesa pranohet, kompanitë kanë thënë se janë në gjendje të vënë në dispozicion një numër të kufizuar të dozave të para për njerëzit me rrezik të lartë që nga mesi i dhjetorit.

Kërkesa për aprovim emergjent nga ”Pfizer” dhe BioNTech u avancua në bazë të faktit se vaksina është treguar e sigurt dhe shumë efektive në provat klinike.

Kjo e fundit përfshiu 38 000 pjesëmarrës në të gjithë botën, duke mbuluar një gamë të gjerë të moshave, racave dhe etnive, dhe deri më sot kompanitë nuk kanë hasur “ndonjë shqetësim serioz për sigurinë lidhur me vaksinat”.

“Angazhimi ynë për shpërndarjen e një vaksine të sigurt dhe efektive nuk ka qenë kurrë më urgjent pasi ne vazhdojmë të shohim një rritje alarmante të numrit të rasteve COVID-19 globalisht,” tha Albert Bourla, presidenti i ”Pfizer” në një deklaratë.

“Regjistrimi në SHBA është një moment historik në udhëtimin tonë për të dhënë një vaksinë COVID-19 në botë dhe tani kemi një pamje më të plotë të efikasitetit dhe profilit të sigurisë së vaksinës sonë, e cila na jep besim në potencialin e saj. Pfizer ka paraqitur kërkesën në pritje për të njëjtin aprovim në të gjithë botën, përfshirë Australinë, Kanadanë, Japoninë dhe Europën”, shtoi ai./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.