LONDËR – BM kërkon vlerësimin e vaksinës së “Pfizer/BioNTech” nga MHRA

LONDËR, 20 nëntor /ATSH-AFP/ – Qeveria britanike njoftoi sot se i ka kërkuar rregullatorit të saj shëndetësor të rishikojë vaksinën antiCOVID-19 të “Pfizer / BioNTech”, ndërkohë që një pjesë e Skocisë forcoi kufizimet dhe Irlanda e Veriut vendosi të aplikojë një bllokim të ri dyjavor.

“Mund të konfirmoj se qeveria i ka kërkuar zyrtarisht MHRA (Autoriteti Rregullator i Shëndetit të Barnave) të vlerësojë vaksinën e “BioNTech / Pfizer” për të parë nëse është e përshtatshme për standardet shëndetësore britanike”, tha ministri i Shëndetësisë, Matt Hancock, në një konferencë për shtyp.

BM, vendi më i prekur në Europë nga epidemia, me më shumë se 54 000 të vdekur, tashmë ka porositur 40 milionë doza të kësaj vaksine dhe shpreson të marrë 10 milionë deri në fund të vitit./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.