BRUKSEL – Liderët e BE-së firmosin kredinë për skemën e punës me kohë të shkurtuar

BRUKSEL, 25 shtator /ATSH-DPA/ – Liderët e Bashkimit Europian firmosën sot këstin e parë prej 100 miliardë eurosh të një fondi kredie për skemat kombëtare të punës me kohë të shkurtuar, që synon frenimin e ndikimit të pandemisë së COVID-19 në tregun e punës.

“Gjashtëmbëdhjetë shtete anëtare do të marrin tani 87,4 miliardë euro mbështetje financiare”, thanë ata në një njoftim për shtyp.

Pjesa më e madhe i shkon Italisë me 27,4 miliardë euro, e ndjekur nga Spanja me 21,3 miliardë euro dhe Polonia me 11,2 miliardë euro.

Fondi është një nga tre instrumentet e përkohshme, me vlerë deri në 540 miliardë euro në total, i dakorduar nga Blloku në prill, si një përgjigje e parë fiskale ndaj efekteve ekonomike të masave të përhapura të kontrollit./ /ervo/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.