UASHINGTON, 21 shtator /ATSH-DPA/ – SHBA-ja do të vendosë sanksione ndaj Ministrisë iraniane të Mbrojtjes dhe njësive të tjera të lidhura me ushtrinë, që sigurojnë armë, tha sot sekretari amerikan i Shtetit, Mike Pompeo.
“Nëse shkelni embargon e armëve në Iran, ju rrezikoni sanksione”, tha ai në një paralajmërim për vendet e botës.
Gjithashtu, sekretari i Thesarit, Steven Mnuchin tha se sanksionet e reja do të godasin agjencinë e energjisë atomike të Iranit dhe individë të veçantë të lidhur me programin, po ashtu.
Masa vjen pasi SHBA-ja këmbënguli gjatë fundjavës që të riktheheshin sanksionet e OKB ndaj Iranit./ /ervo/
