TIRANË, 17 shtator/ATSH/ Nënstacioni elektrik i Ibës në Tiranë do t’i nështrohet gjatë ditës së nesërme një remonti, çka synon rritjen e sigurisë së furnizimit me energji.
Operatori i Sistemit të Transmetimit (OST) informoi sot se për shkak të ndërhyrjes që do të kryhet në këtë nënstacion do të ketë ndërprerje të energjisë elektrike për abonentët në disa zona të Tiranës.
“Për shkak të remontit të OST në nënstacionin e Ibës, mē 18 shtator gjatë intervalit kohor 07:00-15:00 do të stakohet energjia në Bërzhitë, Mullet dhe Baldushk”, thuhet në njoftimin e OST-së./a.gjonaj/j.p/r.e/
