Pandemia/ Bie me 64,7 % numri i shtetasve të huaj që hynë në territorin shqiptar

TIRANË, 24 gusht/ATSH/ Në korrik 2020, hyrjet e shtetasve të huaj në territorin shqiptar janë 387.716 dhe krahasuar me korrik 2019, ky numër ka rënë me 67,1 %.

Sipas INSTAT, numri i shtetasve të huaj të hyrë në Shqipëri në shtatëmujorin 2020 është 1.169.610, duke rënë me 64,7 %, në krahasim me të njëjtën periudhë të vitit 2019.

Përgjatë shtatë muajve të 2020, Kosova ka rënien më të ulët të hyrjeve të shtetasve në Shqipëri me 52,4 %, ndërsa rënien më të madhe e ka pasur Spanja me 88,6 %, krahasuar me të njëjtën periudhë të vitit 2019.

Hyrjet e shtetasve shqiptarë dhe të huaj në territorin shqiptar, në muajin korrik 2020, janë 663.980 persona.

INSTAT njofton se krahasuar me korrik 2019, ky tregues rezulton me rënie 61,5 %./m.m/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.