“2 korriku i shqiptarëve”/ Shahini: Pa sakrificë nuk ka fitore dhe pa betejë nuk ka liri

TIRANË, 2 korrik/ATSH/ “2 korriku i shqiptarëve”, e cilësoi sot ministrja e Arsimit, Sportit dhe Rinisë, Besa Shahini, ndërsa solli në vëmendje ngjarjet historike të 30 viteve më parë në Shqipëri dhe Kosovë.

“Para 30 vitesh, në Tiranë u thye frika dhe u artikulua gatishmëria për betejën për liri kundër diktaturës në Shqipëri”, tha ajo.

Ndërkohë, tha ajo, “në Prishtinë, u shpall Deklarata Kushtetuese nga delegatët e Kuvendit të Kosovës, që mbolli farën e shkëputjes nga Serbia dhe themelimit të Republikës që e gëzojmë sot”.

“Pa sakrificë nuk ka fitore dhe pa betejë nuk ka liri”, tha Shahini.

/m.m/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.