Operacionet humanitare/ Prefekti i Vlorës për ATSH-në: 291 pako me ushqime për familjet në nevojë

TIRANË, 23 maj/ATSH/ Në bashkitë e qarkut të Vlorës vijon shpërndarja e ndihmave për familjet në nevojë dhe të moshuarit.

Prefekti i qarkut të Vlorës, Flamur Mamaj, tha për ATSH-në se “dje u shpërndanë  291 pako ushqimore nga rezervat e shtetit për familjet në nevojë dhe pensionistët”.

“Këto ndihma u shpërndanë në të gjitha bashkitë e qarkut të Vlorës, Delvinë, Himarë Selenicë, Sarandë, Konispol, Vlorë dhe Finiq “, – tha Mamaj.

Në qarkun e Vlorës po vijohet edhe me inspektime të rrepta për zbatimin e masave.

“Në kuadër të masave lehtësuese Covid-19 kam zhvilluar takime me grupin ndërinstiticional të monitorimit dhe inspektimit, i përbërë nga Inspektoriati Shtetëror Shëndetësor, Inspektoriati Punës dhe Shërbimeve Shoqërore, Autoriteti Kombëtar i Ushqimit, Drejtoria Rajonale e Tatimeve, Drejtoria Vendore e Policisë, me qëllim monitorimin dhe këshillimin e bizneseve në kategorinë e bar-restorant, mbi respektimin e protokollit të masave lehtësuese Covid-19”, – tha Prefekti.

Në të gjithë vendin vijon ende shpërndarja e ndihmave për pensionistët e vetmuar dhe familjet në nevojë kudo në Shqipëri./k.s/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.