KINË – Raportohen 78 raste të reja me COVID-19

PEKIN, 24 mars /ATSH-DPA/ – Kina raportoi sot 78 raste të reja me koronavirus si dhe shtatë viktima të reja si pasojë e COVID-19, sipas shifrave të fundit nga Komisioni Kombëtar i Shëndetit.

Në provincën Hubei u raportua vetëm një nga rastet e reja, ku shpërthimi COVID-19 filloi për herë të parë në dhjetor të vitit të kaluar.

Nga rastet e reja, 74 janë importuar nga jashtë vendit, një shifër e re ditore që e çon numrin e përgjithshëm të rasteve të importuara në Kinë në 427.

Që nga dhjetori, 81 171 persona janë infektuar në të gjithë territorin e Kinës, nga të cilët 3 277 kanë humbur jetën dhe 73 159 janë shëruar. / /sara/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.