Durrës/ Rritje me 9 % e eksportit në janar, mbi 300 mijë tonë mallra të përpunuara me anije dhe tragete

TIRANË, 29 shkurt/ATSH/ Gjatë muajit janar 2020 në kalatat e portit të Durrësit janë përpunuar 304 mijë tonë mallra të ndryshme. Shifra është 11% më shumë sesa janari i vitit 2019, bëhet me dije nga sektori i Statistikave në Autoritetin Portual Durrës.

Nga i njëjti burim, mësohet se eksportet me 94 mijë tonë gjithsej kanë regjistruar një rritje mujore prej 9 %, ndërsa rritja e importeve arrin në 12 %.

Vetëm nga anijet tregtare me mallra dhe kontejnerë në të tre Terminalet janë përpunuar mbi 245 mijë tonë mallra import-eksporti. Ndërkaq, me tragetet e linjave Durrës-Bari dhe Durrës-Ankona janë transportuar mbi 59 mijë tonë mallra, duke regjistruar një rënie prej 5% të volumit, krahasuar me janarin e një viti më parë./k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.