SHBA – FMN: Ukraina të kufizojë rolin e shtetit dhe të oligarkëve në ekonomi

UASHINGTON, 7 nëntor /ATSH-AFP/ – FMN-ja i kërkoi sot Ukrainës të ecë përpara me reformat strukturore duke rekomanduar kufizimin e rolit të shtetit dhe të oligarkëve në ekonomi në një kohë kur vendi po negocion me institucionin e Uashingtonit për një plan të ri ndihme trevjeçar.

“Ne mendojmë se Ukraina duhet të mendojë forma të reja investimesh për të avancuar, të ndërmarrë disa reforma strukturore për të përmirësuar qeverisjen, për të luftuar korrupsionin dhe për të kufizuar rolin e shtetit dhe oligarkëve”, deklaroi Gerry Rice, zëdhënësi i Fondit Monetar Ndërkombëtar në një konferencë shtypi.

“Paralelisht, autoritetet duhet të ndjekin politika fiskale dhe monetare që çojnë në stabilitet makroekonomik”, shtoi ai./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.