Parashikimi i motit, 13 maj 2019

TIRANË, 13 maj/ATSH/ – I gjithë territori i vendit është përfshirë sot nga reshjet e shiut.

Sipas Shërbimit Meteorologjik Ushtarak, vendi ka hyrë në një paqëndrueshmëri, e cila do të vijojë dhe në ditët e ardhshme. Për pasojë në vend do të mbizotërojnë vranësirat dhe reshjet e shiut, të cilat do të marrin hera-herës impulse në formën e shtrëngatave, rrebeshit me rrufe.

Në shumicën e qarqeve reshjet do të vijojnë mesatare, në qarkun Korçë, Vlorë dhe Gjirokastër reshjet priten të jenë mesatare deri lokalisht intensive të shoqëruara me shtrëngata.

Sot temperaturat minimale dhe maksimale të ajrit pritet të arrijnë: në bregdet: 11 / 18 °C, në vendet e ulëta: 10 / 19 °C dhe në vendet malore: 6 / 13 °C.

Ndërsa era pritet të fryjë mesatare deri e fortë në bregdet dhe Jug të vendit. /k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.